Félagsleg ráðgjöf

Ýmsir erfiðleikar, bæði af félagslegum eða persónulegum toga, geta steðjað að á lífsleiðinni. Fjölskylduþjónustan býður upp á félagslega ráðgjöf, en markmið hennar er einmitt að veita upplýsingar og leiðbeiningar um félagsleg réttindamál annars vegar og stuðning vegna félagslegs og persónulegs vanda hins vegar. Tilgangurinn er alltaf að hjálpa fólki til sjálfshjálpar þannig að sérhver einstaklingur geti sem best notið sín í samfélaginu. 

Félagsleg ráðgjöf tekur m.a. til ráðgjafar vegna eftirfarandi:

  • samskipta í fjölskyldunni
  • uppeldismála
  • málefna barna- og unglinga
  • ættleiðingarmála
  • fjárhagsvanda fjölskyldunnar      
  • atvinnuleysis
  • húsnæðisvanda                   
  • áfengis- og vímuvanda
  • hjónaskilnaða og sambúðarslita
  • forsjár- og umgengnisdeilna
  • fötlunar                                  
  • öldrunar                                                 

Fjölskylduþjónustan hefur samstarf við ýmsar aðrar þjónustustofnanir, sem einnig veita ráðgjöf varðandi þessi mál. Þar má nefna Heilbrigðisstofnunina á Sauðárkrókiprestana í Skagafirði, Umboðsmaður skuldaraSÁÁ, geðdeildir á Akureyri og í Reykjavík, Samtök um kvennaathvarf og Stígamót. 

Starfsfólk Fjölskylduþjónustunnar er bundið þagnarskyldu um málefni einstaklinga sem þangað leita. Undantekningu frá þagnarskyldu má einungis gera skv. lagaboði svo sem ef barni er hætta búin. 

Starfsfólk sem vinnur að félagslegri ráðgjöf 

Gunnar M Sandholt

  
  Gunnar Sandholt
  Félagsmálastjóri
  Beinn sími:455 6083 
  Netfang: sandholt(hja)skagafjordur.is

   
Hrafnhildur Guðjónsdóttir


  Hrafnhildur Guðjónsdóttir
  Félagsráðgjafi
  Beinn sími: 455 6084
  Netfang: hrafnhildurg(hja)skagafjordur.is