Skipulags- og byggingarnefnd

Skagafjarðarveitur hitaveita kt. 681212-0350, Borgarteigi 15, Sauðárkróki hafa óskað eftir leyfi til þess að leggja hitaveitulögn frá nýrri borholu við Langhús. Framkvæmdin felst í lagningu stofnlagnar hitaveitu frá framangreindri borholu til vesturs inn í Flókadal og að Móskógum, til norðurs að Haganesvík og til austurs að Hraunum og Þrasastöðum í austur Fljótum. Meðfylgjandi uppdrættir eru unnir á STOÐ ehf. Verkfræðistofu af Braga Þór Haraldssyni og eru þeir í verki númer 1020, Vegna afgreiðslu á framkvæmdaleyfisumsókn hefur verið óskað eftir umsögnum hlutaðeigandi umsagnaraðila.

Fyrir fundinum liggja vinnudrög - deiliskipulag- unnin af Hjörleifi Stefánssyni arkitekt dagsett 20. febrúar 2015. Skipulagsmörkin samþykkt eins og þau eru á tillögudrögunum. Ákveðið að vinna málið áfram.

Fasteignafélagið Ámundakinn ehf á Blönduósi sækir um lóð fyrir nýbyggingu á sk. Freyjugötureit austan Freyjugötu með aðkomu frá Knarrarstíg. Áform félagsins er að byggja um 1000 m2 skrifstofuhús á einni hæð. Meðfylgjandi erindinu eru gögn sem gera grein fyrir byggingaráformunum. Samþykkt að óska eftir fundi með umsækjanda.

Fyrir liggur umsókn frá Knúti Aadnegard eiganda Skógargötu 1 um lóðarstækkun til suðurs. Samþykkt að óska eftir fundi með umsækjanda.

Norðurlandsskógar, Valgerður Jónsdóttir framkvæmdastjóri, fh. eigenda eyðibýlisins Þramar, landnúmer 176749, á Langholti í Skagafirði sækir um leyfi til nytjaskógræktar á 38,6 ha. svæði í landi jarðarinnar. Framlögð gögn dagsett 18. febrúar 2015 móttekin af skipulags- og byggingarfulltrúa 19. febrúar sl. Skipulags-og byggingarnefnd frestar afgreiðslu málsins og óskar eftir að umsækjandi skili inn hnitsettum uppdrætti sem sýnir umrætt svæði og aðliggjandi landamerki

Norðurlandsskógar, Valgerður Jónsdóttir framkvæmdastjóri, fh. eigenda lögbýlisins Steintúns, landnúmer 146234, í Skagafirði sækir um leyfi til nytjaskógræktar á 25,7 ha. svæði í landi jarðarinnar. Framlögð gögn dagsett 3. mars 2015, móttekin af skipulags- og byggingarfulltrúa 5. mars sl. Skipulags-og byggingarnefnd frestar afgreiðslu málsins og óskar eftir að umsækjandi skili inn hnitsettum uppdrætti sem sýnir umrætt svæði og aðliggjandi landamerki.

Sigmundur Magnússon kt. 270232-3379 eigandi jarðarinnar Vindheima í Skagafirði, landnr. 146249, sækir um heimild til að skipta 2500,0 m² lóð 1 úr landi jarðarinnar. Framlagður hnitsettur yfirlits-og afstöðuuppdráttur gerður á Stoð ehf. verk¬fræðistofu af Eyjólfi Þórarinssyni. Númer uppdráttar er S-101 í verki nr. 725150, dagsettur 25. nóvember 2014. Lögbýlaréttur mun áfram tilheyra landnúmeri 146249. Erindið samþykkt eins og það er fyrir lagt.

Undirritaður þinglýstur eigandi jarðarinnar Ánastaða landnr. 146144, Svartárdal í Skagafirði, sækir um heimild til að skipta 12100 m² lóð 1 úr landi jarðarinnar. Framlagður hnitsettur yfirlits-og afstöðuuppdráttur gerður á Stoð ehf. verkfræðistofu af Eyjólfi Þórarinssyni. Númer uppdráttar er S102 í verki nr. 770401, dagsettur 13. júlí 2014. Lögbýlaréttur mun áfram tilheyra landnúmeri 146144. Erindið samþykkt eins og það er fyrir lagt.

Afgreiðslufundur byggingarfulltrúa. 2. fundur, 25. febrúar 2015 lagður fram til kynningar.