Skagfirðingar hafa löngum verið kunnir af öflugu félagslífi. Áður var vel þekkt að bændur og búalið fóru í hópum milli bæja og tóku saman lagið. Það er enn gert við góð tækifæri þótt sönglistin sé ekki stunduð á sama hátt og fyrr því óhætt mun að fullyrða að stór hluti Skagafirðinga syngi í kórum eða eigi nána ættingja eða vini í kór. Kórastarf er mjög öflugt. Karlakórinn Heimir www.heimir.is/ , Rökkurkórinn og Skagfirski kammerkórinn starfa allir í Skagafirði en auk þeirra eru fjölmargir kirkjukórar og sönghópar um allt héraðið og sennilega eru Álftagerðisbræður þeirra þekktastir. Dægurtónlistin á sterkar rætur í Skagafirði. Skagfirsk sveifla Geirmundar Valtýssonar er öllum kunn og fleiri hljómsveitir eiga uppruna sinn í héraðinu s.s. hljómsveitin Von. Leiklist í Skagafirði á langa sögu og leiksýningar hafa verið settar upp víðsvegar í héraðinu. Leikfélag Sauðárkróks er eitt öflugusta áhugamannaleikfélag landsins og setur a.m.k. upp tvö leikrit á ári auk annara viðburða sem félagið kemur að. Menningarlíf í Skagafirði hefur verið með fjölbreyttu sniði á síðustu árum. Fyrirlestrar og skemmtanir eru ríkur þáttur í lífi Skagfirðinga. Sæluvikan sem einnig á langa sögu í Skagafirði tengdist lengst af sýslufundi Skagafjarðarsýslu sem stóð í u.þ.b. viku á ári hverju. Líklega má rekja sögu Sælunnar til 1874 en þá var fyrsti sýslufundurinn haldinn á Reynistað og var þar dansað, sungið og leikið. Í Sæluviku sem nú hefst síðustu helgina í apríl er jafnan mikið um dýrðir í Skagafirði.

Af öðrum stórviðburðum í nútímanmum má nefna sýningu hestamanna Tekið til kostanna, Sveitasælu á Sauðárkróki, Jónsmessuhátíð á Hofsósi og Hólahátið og er þá aðeins fátt eitt nefnt sem til menningarauka er.

Skagfirsku skólarnir, Háskólinn á Hólum, Fjölbrautaskólinn,